Consultor SEO na Coruña
SEO local e posicionamento SEO na Coruña
Axudo a comercios, despachos, clínicas, talleres e hostalaría da Coruña e a súa área a saír en Google Maps e nos resultados de busca cando un cliente busca o que fan. Trato directo: quen te atende é quen fai o traballo.
Empeza cunha auditoría SEO de balde
Catro problemas que vexo unha e outra vez en negocios da Coruña
Non saís en Google Maps
Buscan «fisioterapeuta na Coruña» ou «taller en Arteixo» e Google amosa tres fichas. Se a túa está a medio facer, sen fotos nin recensións recentes, non estás entre elas.
Hai moita competencia no teu sector
A Coruña é o mercado máis grande de Galicia: en case calquera sector hai decenas de negocios pelexando polas mesmas tres fichas do mapa. Gaña quen coida a súa ficha e a súa web, non quen leva máis anos aberto.
A túa web leva anos parada
Publicouse, funcionou un tempo e ninguén a volveu tocar. Google prefire webs vivas, rápidas e con contido que responda ao que se busca hoxe na Coruña.
Dependes de plataformas e anuncios
Portais, directorios ou Google Ads: cada cliente que chega por aí cústache unha comisión ou un clic. O posicionamento orgánico traballa para ti sen pagar por cada visita.
Que te atopen a ti,
non á túa competencia
Axencia SEO ou consultor SEO na Coruña?
Na Coruña hai moitas axencias SEO, e se buscas unha tes onde escoller. Eu traballo doutra maneira: son consultor independente e colaboro con outros profesionais cando un proxecto o pide.
A diferenza está no trato. Aquí non hai un comercial que che vende e un técnico ao que non coñeces: a mesma persoa revisa a túa ficha, escribe os textos da túa web e explícache os resultados. E se fai falta, quedamos na Coruña.
Se o teu proxecto precisa á vez campañas, deseño gráfico e redes sociais con moito volume, direiche con franqueza que che convén unha axencia. Se tes un comercio, un despacho, unha clínica ou un restaurante na Coruña e queres que te atopen, iso é xusto o que fago.
Que inclúe o posicionamento web na Coruña
Traballo o SEO local en dous frontes: a túa ficha de Google, que decide se saís no mapa, e a túa web, que decide se saís nos resultados de embaixo.
Podes empezar só pola ficha ou traballar as dúas cousas á vez. O que buscamos nos dous casos é o mesmo: chamadas, visitas ao teu local e contactos.
Non che prometo o primeiro posto, porque ninguén honesto pode facelo. Isto é o que si fago para que te atopen na Coruña:
Ficha de Google completa e ben enfocada
Categorías, servizos, horarios, fotos e descrición pensados para como te buscan na Coruña, non enchidos de calquera maneira.
Recensións que traballan ao teu favor
Axúdoche a pedir recensións aos teus clientes e a respondelas ben. Son do que máis pesa para saír no mapa e para que te escollan a ti.
Páxina local optimizada
No nivel ficha + web, optimizo a páxina do teu negocio ou dos teus servizos para que posicione tamén fóra do mapa, nos resultados orgánicos.
Os teus datos iguais en todas partes
Nome, enderezo e teléfono idénticos na túa web, na túa ficha e nos directorios onde apareces. Parece un detalle, pero a Google dálle confianza.
Seguimento barrio a barrio
Mido en que posición saís desde distintos puntos da cidade, do Ensanche a Matogrande ou Os Rosales, e da área metropolitana, non só desde o meu ordenador. Así vemos onde gañas e onde aínda non.
Un informe que se entende
Cada mes, chamadas, visitas, peticións de ruta e posicións, explicadas sen xerga. Saberás que fixen e para que serviu.
Son Asier Epelde, consultor SEO na Coruña e a súa área
Traballo en tecnoloxía desde 2007 e fago webs desde 2019. Coñezo ben a realidade da cidade da Coruña, o seu mercado e os seus barrios, e desprázome a ela a miúdo.
Teño un Máster en Marketing Dixital pola UOC e sigo formándome en SEO con Peter Lead e DinoRank. Como ademais programo as webs, o SEO técnico resólvoo eu mesmo, sen depender de terceiros nin de esperas.
Son membro de REAS Galicia, a rede de economía social e solidaria, e traballo con esa lóxica: explícoche que fago, por que e con que ferramentas o mido, para que nunca dependas de min para entender a túa propia ficha nin a túa propia web.
Negocios e entidades da Coruña cos que traballo
Na Coruña traballo con clientes como LMT Abogados, Cáritas Interparroquial da Coruña ou a cooperativa de consumo Zocaminhoca, entre outros.
Paso a paso
Como traballo o posicionamento SEO na Coruña
Auditoría da túa ficha e da túa web
Reviso como apareces hoxe en Google Maps e nos resultados da Coruña, que fai a túa competencia e que falla na túa web.
Palabras chave da túa zona
Averíguo como te buscan de verdade, «dentista na Coruña», «avogado laboralista Coruña», «tenda na rúa Real»…, e en que idioma.
Contido local que converte
Escribo ou reescribo os textos da túa páxina e da túa ficha para que respondan a esas buscas e convertan as visitas en contactos.
SEO técnico sen intermediarios
Velocidade, versión móbil, datos estruturados co teu enderezo e a túa zona de servizo… Como desenvolvo en WordPress, arránxoo directamente.
Recensións, directorios e ligazóns locais
Coido as túas recensións, unifico os teus datos en directorios e busco mencións en webs da Coruña e de Galicia que teñan sentido para o teu negocio, sen técnicas penalizables.
Seguimento con mapas de posicións
Comprobo mes a mes en que posición saís desde distintos puntos da cidade, xunto coas chamadas e as visitas, e axusto o que non funciona.
Como imos traballar xuntos?
SEO local na Coruña e na súa área metropolitana
Traballo con negocios da cidade e dos concellos da contorna. Cada zona ten as súas buscas e a súa competencia.
Tamén fago SEO local en Santiago de Compostela
Tamén
Se o teu negocio está na Coruña
Do Ensanche a Monte Alto, dos Mallos a Matogrande ou Os Rosales: traballo a túa ficha e a túa web para que aparezas na parte da cidade onde están os teus clientes. A túa web precisa algo máis ca SEO?
Se estás na área metropolitana
Arteixo, Oleiros, Culleredo, Cambre, Sada ou Bergondo: desde fóra da cidade tamén se compite polas buscas da Coruña, e explícoche con claridade ata onde chega a túa ficha segundo onde estea o teu negocio. Se buscas clientes máis alá, mira o SEO en toda Galicia.
Se o teu negocio está no resto de Galicia
Non dubides en poñerte en contacto comigo: o SEO local axúdache alí onde esteas. O mapa de Google é cada vez máis importante para darte a coñecer entre a túa clientela
Prezos do SEO local na Coruña
Traballo o posicionamento da túa web con ferramentas específicas. Prezo sen IVE e suxeito a unha valoración á medida da túa web e do teu proxecto.
SEO local coa ficha de Google
Posta a punto desde 250 € · Mantemento desde 150 €/mes
Para negocios que queren aparecer en Google Maps e no pack local cando buscan o seu servizo na Coruña.
SEO local coa ficha e web local
Posta a punto desde 500 € · Mantemento desde 500 €/mes
Todo o anterior, máis a optimización SEO da páxina do teu negocio ou dos teus servizos, para posicionar tamén nos resultados orgánicos.
Preguntas frecuentes sobre SEO local na Coruña
de balde e sen compromiso
Pide a túa auditoría SEO gratuíta
Dime que negocio tes e en que zona da Coruña traballas. Nuns días envíoche unha auditoría da túa ficha e da túa web co máis importante que melloraría, e dígoche que nivel che convén.






