Consultor SEO en Santiago
Posicionamento web e SEO en Santiago de Compostela
Axudo a comercios, despachos, clínicas e aloxamentos de Santiago e a súa comarca a saír en Google Maps e nos resultados de busca cando un cliente busca o que fan. Trato directo: quen te atende é quen fai o traballo.
Para empezar fágoche unha auditoría SEO de balde e sen compromiso. Despois ti decides
Catro problemas que vexo unha e outra vez en negocios de Santiago

Non saís en Google Maps
Buscan «ferraxaría en Santiago» ou «taller no Milladoiro» e Google amosa tres fichas. Se a túa está a medio facer, sen fotos nin recensións recentes, non estás entre elas.
Gánache un negocio da comarca
En Santiago a túa competencia non está só na cidade: tamén en Ames, Teo ou Brión. Quen coida a súa ficha e a súa web quédase cos clientes de toda a zona.
A túa web leva anos parada
Publicouse, funcionou un tempo e ninguén a volveu tocar. Google prefire webs vivas, rápidas e con contido que responda ao que se busca hoxe en Santiago.
Dependes de plataformas e anuncios
Portais de reservas, directorios ou Google Ads: cada cliente que chega por aí cústache unha comisión ou un clic. O posicionamento orgánico traballa para ti sen pagar por cada visita.
Que te atopen a ti,
non á túa competencia
Axencia SEO ou consultor en Santiago de Compostela?
En Santiago hai boas axencias SEO, e se buscas unha tes onde escoller. Eu traballo doutra maneira: son consultor independente e colaboro con outros profesionais cando un proxecto o pide.
A diferenza está no trato. Aquí non hai un comercial que che vende e un técnico ao que non coñeces: a mesma persoa revisa a túa ficha, escribe os textos da túa web e explícache os resultados. E se fai falta, quedamos en Santiago.
Se o teu proxecto precisa á vez campañas, deseño gráfico e redes sociais con moito volume, direiche con franqueza que che convén unha axencia. Se tes un comercio, un despacho, unha clínica ou un aloxamento e queres que te atopen, iso é xusto o que fago.
Que inclúe o posicionamento web en Santiago
Traballo o SEO local en dous frontes: a túa ficha de Google, que decide se saís no mapa, e a túa web, que decide se saís nos resultados de embaixo.
Podes empezar só pola ficha ou traballar as dúas cousas á vez. O que buscamos nos dous casos é o mesmo: chamadas, visitas ao teu local e contactos.
Non che prometo o primeiro posto, porque ninguén honesto pode facelo. Isto é o que si fago para que te atopen en Santiago:
Ficha de Google completa e ben enfocada
Categorías, servizos, horarios, fotos e descrición pensados para como te buscan en Santiago, non enchidos de calquera maneira.
Recensións que traballan ao teu favor
Axúdoche a pedir recensións aos teus clientes e a respondelas ben. Son do que máis pesa para saír no mapa e para que te escollan a ti.
Páxina local optimizada
No nivel ficha + web, optimizo a páxina do teu negocio ou dos teus servizos para que posicione tamén fóra do mapa, nos resultados orgánicos.
Os teus datos iguais en todas partes
Nome, enderezo e teléfono idénticos na túa web, na túa ficha e nos directorios onde apareces. Parece un detalle, pero a Google dálle confianza.
Seguimento barrio a barrio
Mido en que posición saís desde distintos puntos de Santiago e da comarca, non só desde o meu ordenador. Así vemos onde gañas e onde aínda non.
Un informe que se entende
Cada mes, chamadas, visitas, peticións de ruta e posicións, explicadas sen xerga. Saberás que fixen e para que serviu.
Son Asier Epelde, consultor SEO en Santiago e a súa comarca
Vivo e traballo en Vedra e estudei Historia na USC, así que Santiago coñézoo desde hai moitos anos. Traballo en tecnoloxía desde 2007 e fago webs desde 2019, con WordPress e SEO.
Teño un Máster en Marketing Dixital pola UOC e sigo formándome en SEO con Peter Lead e DinoRank. Como ademais programo as webs, o SEO técnico resólvoo eu mesmo, sen depender de terceiros nin de esperas.
Son membro de REAS Galicia, a rede de economía social e solidaria, e traballo con esa lóxica: explícoche que fago, por que e con que ferramentas o mido, para que nunca dependas de min para entender a túa propia ficha nin a túa propia web.
Paso a paso
Como traballo o posicionamento web en Santiago
Auditoría da túa ficha e da túa web
Reviso como apareces hoxe en Google Maps e nos resultados de Santiago, que fai a túa competencia e que falla na túa web.
Palabras chave da túa zona
Averíguo como te buscan de verdade, «dentista en Santiago», «avogado laboralista Compostela», «tenda na Zona Vella»…, e en que idioma.
Contido local que converte
Escribo ou reescribo os textos da túa páxina e da túa ficha para que respondan a esas buscas e convertan as visitas en contactos.
SEO técnico sen intermediarios
Velocidade, versión móbil, datos estruturados co teu enderezo e a túa zona de servizo… Como desenvolvo en WordPress, arránxoo directamente.
Recensións, directorios e ligazóns locais
Coido as túas recensións, unifico os teus datos en directorios e busco mencións en webs de Santiago e de Galicia que teñan sentido para o teu negocio, sen técnicas penalizables.
Seguimento con mapas de posicións
Comprobo mes a mes en que posición saís desde distintos puntos da cidade, xunto coas chamadas e as visitas, e axusto o que non funciona.
Como imos traballar xuntos?
SEO local en Santiago e a súa comarca
Traballo en persoa con negocios da cidade e dos concellos da contorna. Cada zona ten as súas buscas e a súa competencia.
Tamén fago SEO local na Coruña

Se o teu negocio está en Santiago
Do Ensanche á Zona Vella, de Conxo a Fontiñas ou San Lázaro: traballo a túa ficha e a túa web para que aparezas na parte da cidade onde están os teus clientes. A túa web precisa algo máis ca SEO?

Se estás na comarca
Milladoiro, Bertamiráns, Teo, Brión, Boqueixón ou Vedra: desde fóra da cidade tamén se compite polas buscas de Santiago, e explícoche con claridade ata onde chega a túa ficha segundo onde estea o teu negocio. Se buscas clientes máis alá, mira o SEO en toda Galicia.
Se o teu negocio está no resto de Galicia
Non dubides en poñerte en contacto comigo: o SEO local axúdache alí onde esteas. O mapa de Google é cada vez máis importante para darte a coñecer entre a túa clientela
Prezos do posicionamento web en Santiago de Compostela
Traballo o posicionamento da túa web con ferramentas específicas. Prezo sen IVE e suxeito a unha valoración á medida da túa web e do teu proxecto.
SEO local coa ficha de Google
Posta a punto desde 250 € · Mantemento desde 150 €/mes
Para negocios que queren aparecer en Google Maps e no pack local cando buscan o seu servizo en Santiago.
SEO local coa ficha e web local
Posta a punto desde 500 € · Mantemento desde 500 €/mes
Todo o anterior, máis a optimización SEO da páxina do teu negocio ou dos teus servizos, para posicionar tamén nos resultados orgánicos.
Preguntas frecuentes sobre posicionamento web en Santiago
de balde e sen compromiso
Pide a túa auditoría SEO gratuíta
Dime que negocio tes e en que zona de Santiago traballas. Nuns días envíoche unha auditoría da túa ficha e da túa web co máis importante que melloraría, e dígoche que nivel che convén.